Рой Хожсон «Кристал Пэлас» бош мураббийи этиб тайинлангандан сўнг фикр билдирди.
«Мен учун ҳар доим катта аҳамиятга эга бўлган клубимга қайтиш ва жамоа тақдирини ўзгартиришдек муҳим вазифани ўз зиммамга олиш шарафдир.
Эндиги ягона мақсадимиз – учрашувларда ғалаба қозониш ва Премьер-лигада қолиш учун керакли очколарни қўлга киритиш.
«Кристал Пэлас» ўзининг жанговар руҳи билан танилган ва шанба куни «Лестер» ташриф буюрганда барча мухлисларимиз биз билан биргаликда жанг қилишларига шубҳа қилмайман», — деди Рой.
75 ёшли мутахассис билан тузилган шартнома 2022/23 йилги мавсум охиригача амал қилади.
Жорий мавсумда 27 очко тўплаган жамоа лигада 28 турдан кейин 12-ўринда бормоқда.
