«Милан» бош мураббийи Стефано Пиоли ўз лавозимидан четлатилиши мумкин, деб хабар беради Goal.com.
Сабаби клуб раҳбариятининг Италия чемпионатининг жорий мавсумидаги натижаларидан норозилигидир.
Агар «россонерилар» жорий мавсум якунида Чемпионлар лигасида иштирок эта олмаса, 57 ёшли мутахассисни истефога чиқариш ҳақида қарор қабул қилиниши мумкин.
Пиоли «Милан»ни 2019 йил октабрь ойида қабул қилган эди. Томонлар ўртасидаги амалдаги шартнома 2025 йилнинг ёзида якунига етади.
А Сериянинг 27-туридан кейин «россонерилар» турнир жадвалида тўртинчи ўринда бормоқда.
