"Ливерпуль" "Вольфсбург" ва Нидерландия ёшлар терма жамоаси ҳимоячиси Микки ван де Венга қизиқиш билдирмоқда, деб хабар беради Bild.
Манбанинг хабарига кўра, инглиз клуби ёзги трансфер ойнасида футболчини сотиб олиш вариантини кўриб чиқмоқда ва у учун талаб қилинадиган 30 миллион еврони таклиф қилиши мумкин. Эслатиб ўтамиз, 191 сантиметрлик футболчига “Арсенал”, “Барселона” ва “Манчестер Сити” клублари ҳам қизиқиш билдирмоқда.
21 ёшли Ван де Вен жорий мавсумда “Вольфсбург” сафида барча турнирларда 28 та ўйинда майдонга тушиб, 1 та гол урди ва 2 та голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган.