"Эвертон" ҳужумчиси Нил Мопейнинг агенти Федерико Пастореллонинг сўзларига кўра, унинг мижози ёзда жамоани тарк этиши мумкин.
"Биз "Салернитана" билан ўтган ёзда музокаралар олиб боргандик, лекин кейин у "Эвертон"га ўтди. Раҳбар алмашди, мавсум якунига етиб қолди ва июнь ойида нима қилишни кўрамиз. Нил А Серияни ўзи бориши керак бўлган жой деб билади. Биз уни жойлаштириш учун ишлаймиз, унинг Италияда имкониятлари бор" - деди Пасторелло TuttoMercatoWeb билан суҳбатда.
26 ёшли форвард 2022 йилнинг ёзидан буён “Эвертон” сафида ўйнайди. Мопей жорий мавсумда Премьер-лигада 20 та ўйинда майдонга тушди ва 1 та гол урди. Унинг шартномаси 2025 йилнинг ёзига қадар мўлжалланган.
