Неапол прокурорлари "Наполи" 2020 йилда "Лилл"дан ҳужумчи Виктор Осимхенни сотиб олишда молиявий фирибгарлик қилган деб гумон қилмоқда.
Гап шундаки, неаполликлар жамоа сафида бирорта ҳам ўйин ўтказмаган тўрт нафар футболчиси орқали нигериялик футболчининг трансфери учун сумманинг бир қисмини тўлашган.
Битимнинг умумий суммаси 70,1 миллион фунтга баҳоланган, шундан 17,5 миллиони фақат тўрт нафар футболчига ҳуқуқларни ўтказиш учун ҳисобдан чиқарилган.
Бу схема "Ювентус" ўзининг ноқонуний битимларида қўллаган схемани эслатади. Натижада туринликлар очколардан маҳрум қилиш билан жазоланди.
"Наполи" иши бўйича қарор ёзда қабул қилиниши кутилмоқда.
