"Тоттенхэм" ҳужумчиси Харри Кейн ёзги трансфер ойнасида "Манчестер Юнайтед"га ўтиши мумкин.
"Шпорлар" ўз етакчиси билан хайрлашиш эҳтимолидан мамнун эмас, шунинг учун улар унинг шартномасини узайтиришга умид қилишмоқда. Амалдаги келишув 2024 йилда тугайди.
Журналист Роб Доусоннинг фикрича, агар “қизил иблислар” юлдуз форвардни лондонликларнинг мақсадларидан бири бўлган дарвозабон Дин Хендерсонга алмашишга рози бўлса, Кейннинг “Манчестер Юнайтед”га ўтиш имконияти сезиларли даражада ошиши мумкин.
Айни дамда Дин Хендерсон "Ноттингем Форест"да ижарада. Transfermarkt экспертлари 26 ёшли дарвозабоннинг трансфер қийматини 22 миллион еврога баҳоламоқда.
