"Ювентус" - италиялик телетомошабинлар орасида энг машҳур жамоа деб топилди. Бу ҳақда Calcio&Finanza нашри хабар бермоқда.

Манбага кўра, "кекса синьора"нинг жорий мавсумдаги ўйинларини 30 миллиондан ортиқ киши томоша қилган, бу ҳар бир учрашувга ўртача 1,2 миллион кишини ташкил этади. Бу Италия клублари орасида энг яхши натижа ҳисобланади. Иккинчи ва учинчи ўринларни "Милан" ва "Интер" эгаллаб турибди. "Ювентус" ва "Милан" - ўртача бир миллиондан ортиқ томошабинга эга ягона клуб.

Италия чемпионатининг жорий мавсуми пешқадами "Наполи" 26 миллион томошабин билан кифояланиб, бу ўртача 965 мингга яқин. Неаполликлар рейтингнинг тўртинчи поғонасида жойлашган. Кучли бешликни "Рома" якунлаб турибди.

Телетомошабинлар орасида энг номақбул жамоа бу "Эмполи". Унинг ўйинларини саккиз миллиондан ортиқ одам томоша қилган.