Нидерландия терма жамоаси Франция ва Гибралтар терма жамоаларига қарши 2024 йилги Европа чемпионати саралаш турнири ўйинлари олдидан навбатдаги йўқотишларга учради, деб хабар беради Нидерландия Қироллик футбол иттифоқи расмий сайти.
Вирусли инфекция туфайли дарвозабон Барт Вербрюгген, ҳимоячилар Свен Ботман ва Маттейс де Лигт, ярим ҳимоячи Йоэй Верман ва ҳужумчи Коди Гакпо терма жамоани тарк этишди.
Олдинроқ Нидерландия терма жамоаси ярим ҳимоячи Френки де Йонг ва ҳужумчи Стивен Бергвейнни жароҳати туфайли йўқотган эди.
“Витесс” дарвозабони Кьелла Схерпена, “Интер” ҳимоячиси Стефан де Врей ва “Бавария” ярим ҳимоячиси Раян Гравенберх терма жамоага чақирилган.
Франция ва Нидерландия ўйини 24 март куни бўлиб ўтади. Нидерландия - Гибралтар ўйини 27 март кунига белгиланган.