Аввал хабар берганимиздек, Харри Кейн терма жамоасининг янги рекордчисига айланди, унинг фаолияти давомидаги 54-голи Италияга қарши ўйинда инглизларга ғалаба келтирди. 

Харри бу орқали Рунини қувиб ўтди ҳамда Англиянинг энг яхши тўпурарига айланди.

Унинг ҳамюрти, ютуқнинг аввалги эгаси - Уэйн Руни Кейнни қўллаб-қувватлаган. Кейн, ўз навбатида, ўзини қўллаб-қувватлагани учун унга миннатдорчилик билдирди.

«Катта раҳмат. Руни қандай рекорд ўрнатганини ўзим ҳам эслайман. Мен у учун нимани англатишини билардим.

Мен у учун жуда хурсанд бўлгандим. Бир пайтлар у ўз бутсасини рекорд учун менга бераман, деб айтганини эслайман. У ўзига хос инсон», деди Кейн.

Харри Кейн Англия терма жамоасида 2015 йилдан буён тўп тепади.