Англия терма жамоаси ҳужумчиси Харри Кейн Европа чемпионати саралаш ўйинида Италия устидан қозонилган ғалаба (2:1) ҳақида фикр билдирди. Бу учрашувда у гол урди ва Англия терма жамоаси тарихидаги энг яхши тўпурарга айланди.
“Биз Англия терма жамоаси либосини кийиб, саралаш босқичини ғалаба билан бошлаганимиздан жуда хурсандмиз. Пенальтидан йўллаган зарбам дарвозага кириши биланоқ, жуда кўп ҳиссиётлар пайдо бўлди. Бу сеҳрли дақиқа эди. Ушбу рекордга эришишимга ёрдам берган барчага раҳмат. Бу ажойиб кеча. Биз Италияда анчадан бери ғалаба қозона олмаётган эдик. Гол уриш ва ғалаба қозониш - бу ажойиб туюғу" - дея Кейн сўзларини келтиради УЕФА матбуот хизмати.
