"Челси"нинг собиқ ҳужумчиси Андрий Шевченко Михаил Мудрикнинг "Стэмфорд Бриж"даги фаолияти ҳақида хулоса чиқаришга шошилмаяпти. Эслатиб ўтамиз, январь ойида украиналик футболчи 70 миллион евро эвазига Донецкнинг "Шахтёр" клубидан "Челси"га ўтган эди.
"Челси" келажак учун жуда иқтидорли футболчини сотиб олди. У эндигина катта футболда ўз йўлини бошламоқда. Михаил жуда амбицияли лойиҳанинг бир қисми, у тўғри жойда. Премьер-лига шу ерда ва ҳозир натижани талаб қилади, лекин келинг, Мудрик яқин 8 йил ичида қандай ўйнашини кўрамиз, унинг узоқ муддатли шартномаси бор. Клуб сабрли бўлиши ва Мудрикнинг иқтидорига ишониши керак", - дея Шевченконинг сўзларини келтиради The Athletic.
