"Бавария" ва Франция терма жамоасининг собиқ ярим ҳимоячиси Франк Рибери Месут Ўзилнинг футболчилик фаолиятини якунлагани ҳақидаги хабарга муносабат билдирди.
“Футбол ҳақида озгина бўлсада тушунадиган ҳар бир киши сизни ажойиб футболчи сифатида эслайди. Нафақадаги ҳаётингизга роҳат тилайман", - деб ёзди Рибери ижтимоий тармоқларида.
22 март куни германиялик ярим ҳимоячи фаолиятини якунлаганини эълон қилди. 34 ёшли ярим ҳимоячи 2010 йилдан 2013 йилгача "Реал"да ўйнаган. Жамоа билан бирга Испания чемпиони, мамлакат кубоги ва Суперкубоги соҳибига айланди.
