Рональд Куман Голландия терма жамоасидаги фаолиятини Франциядан йирик ҳисобда мағлубиятга учраган ҳолда (0:4) бошлади.

«Апельсинлар» амалдаги жаҳон вице-чемпионига қарши сафарда ўйиннинг 21-дақиқасигача уч марта гол ўтказиб юборди ва якунда 0:4 ҳисобида мағлуб бўлди.

Шу тариқа, Голландиянинг 20 та ўйинга етган мағлубиятсиз серияси (қўшимча вақт ва пенальтилар сериясини ҳисобга олмаганда) бугун узилди.

Эътиборлиси, 20 ўйиннинг барчаси жамоа асосий вақтда ҳеч қачон мағлуб бўлмаган Луи ван Гал ишлаган даврга тўғри келган.

Голландиянинг олдинги мағлубияти 2021 йил июнига тўғри келади - ўшанда жамоа Евро-2020 ўйинида Чехияга ютқазган (0:2), Франк де Бур эса мураббий бўлган.