«Реал»нинг собиқ ярим ҳимоячиси, яқинда фаолиятини якунлаган Месут Ўзил нима учун Мадрид жамоасини тарк этгани ҳақида гапирди.

«Мадридни тарк этганимдан жуда хафа бўлдим, аэропортдаги ўша туйғуларни эслайман... «Реал Мадрид»да учта ажойиб йилни ўтказдим, жуда хурсанд бўлдим.

Мавсум бошида майдонга жуда кам туша бошладим, кейин Флорентино Перес, отам ва агентим ўртасида можаро келиб чиқди.

Мен янги клуб излашим керак эди. Менга қийин бўлди. Самолёт ҳавога кўтарилганида кўзим ёшланди. Ўшанда мен ҳаммаси тугаганини англадим.

Лекин, албатта, мен бу вазиятни бошқача йўл билан ҳал қилишни истардим», - дея Ўзилнинг сўзларини келтиради Marca.