"Манчестер Юнайтед" ярим ҳимоячиси Каземиро "Реал" ҳужумчиси Винисиус Жуниорни ҳақорат қилаётган мухлислар жазоланиши кераклигини айтди.
“Бу жуда жиддий нарсалар, биз доимо бу ҳақда гаплашамиз ва одамлар буни қилишда давом этмоқдалар. Жуда қаттиқ жазо бўлиши керак. Бу дунёнинг турли бурчакларида содир бўлмоқда, лекин мен Испания чемпионати чора кўришни сўрайман, чунки бу Вини учун ҳам, Ла Лига учун ҳам, футбол учун ҳам яхши эмас", - дея Каземиродан иқтибос келтиради COPE.
Январь ойида "Атлетико" мухлислари, февраль ойида эса "Мальорка" ишқибозлари бразилиялик футболчига қарши ирқчилик сўзларини ишлатганди.
22 ёшли Винисиус футболчи жорий мавсумда "Реал Мадрид" сафида барча турнирларда 41 та ўйинда майдонга тушиб, 19 та гол урди ва 11 та голли узатмани амалга оширди.
