"Manchester Yunayted" yarim himoyachisi Kazemiro "Real" hujumchisi Vinisius Juniorni haqorat qilayotgan muxlislar jazolanishi kerakligini aytdi.
“Bu juda jiddiy narsalar, biz doimo bu haqda gaplashamiz va odamlar buni qilishda davom etmoqdalar. Juda qattiq jazo bo‘lishi kerak. Bu dunyoning turli burchaklarida sodir bo‘lmoqda, lekin men Ispaniya chempionati chora ko‘rishni so‘rayman, chunki bu Vini uchun ham, La Liga uchun ham, futbol uchun ham yaxshi emas", - deya Kazemirodan iqtibos keltiradi COPE.
Yanvar oyida "Atletiko" muxlislari, fevral oyida esa "Malyorka" ishqibozlari braziliyalik futbolchiga qarshi irqchilik so‘zlarini ishlatgandi.
22 yoshli Vinisius futbolchi joriy mavsumda "Real Madrid" safida barcha turnirlarda 41 ta o‘yinda maydonga tushib, 19 ta gol urdi va 11 ta golli uzatmani amalga oshirdi.
