"ПСЖ" футболчиси Лионель Месси фаолиятини келаси ёзда Италия А Сериясида давом эттириши мумкин.
Журналист Серхио Гонсалеснинг хабарига кўра, аргентиналик футболчининг хизматларига Миланнинг "Интер" клуби қизиқмоқда.
"Нерадзуррилар" ушбу ёзда етти карра "Олтин тўп" соҳибини текинга қўлга киритишга ҳаракат қилишади. "ПСЖ" билан шартномаси тугайдиган Мессининг ушбу трансферга қанчалик қизиқиш билдириши ҳозирча номаълум.
"Барселона" клуби ҳозир Мессининг қайтишидан манфаатдор, аммо маош билан боғлиқ катта муаммолар туфайли "кўк-анорранглилар"нинг келишувга эришиш имконияти кам.
