"Челси" ҳужумчиси Пьер-Эмерик Обамеянг тез орада яна Испания Ла Лигасида пайдо бўлиши мумкин. Журналист Маттео Мореттонинг ёзишича, габонлик футболчи "Атлетико"нинг трансфер мақсадлари рўйхатидан жой олган.
Ёзда "матрасчилар" янги ҳужумчи излашда фаол иштирок этади. Вариантлардан бири - Обамеянг.
Эслатиб ўтамиз, "Атлетико" молиявий муаммоларни бошдан кечирмоқда, шу сабабли улар йирик шартномаларни амалга ошира олмайди.
Аввалроқ, Обамеянг Каталониянинг "Барселона" таркибида олти ой давомида Ла Лигада ўйнаган ва у ердан "Челси"га ўтган эди. Габонлик футболчи "кўклар" устози Грэм Поттернинг режаларига киритилмаган.
