«ПСЖ» ҳужумчиси Лионель Мессининг «Барселона»га ўтиши футболчининг ўз қарорига боғлиқ.

Mundo Deportivo хабарига кўра, «Барселона» раҳбарияти 35 ёшли аргентиналик футболчини ўзига таклиф қилмоқчи бўлган клублар билан молиявий жиҳатдан кураша олмаслигини тушунади.

Шу сабабдан, Месси фақат Каталония клубига ўзи хоҳласа, маошини камайтиришга рози бўлсагина қайтиши мумкин.

Месси жорий мавсумда барча турнирлар доирасида 32 та ўйинда майдонга тушиб, 18 та гол ва 17 та голли узатмани амалга оширди. Ҳужумчининг «ПСЖ» билан шартномаси шу ёзда якунига етади.