Стивен Жеррард Харри Кейннинг келажак ҳақидаги шубҳаларини тушунишини айтди.
“Унинг келажакдаги фаолияти борасида жуда муҳим қарор қабул қилиши керак.
Мен унинг ўрнида эдим, жамоам медалларни қўлга кирита оладими, фаолиятимдан хоҳлаган нарсамга эриша оламанми, деб ўзимга савол берган бўлар эдим.
Аммо унинг аҳволи меникидан фарқ қилади. Мен "Ливерпуль" билан яна бир соврин ютиш мен учун бошқа жойга кўчиб ўтишдан кўра муҳимроқ эканини билардим.
Мен унга маслаҳат бера олмайман, лекин у ҳар куни бу ҳақда ўйлашига ишонаман”, - деди “Ливерпуль”нинг собиқ ярим ҳимоячиси.
