"Ливерпуль" "Лейпциг" ҳимоячиси Йошко Гвардиолни сотиб олиш имкониятини кўриб чиқмоқда, дея хабар беради Football Insider.
Нашрнинг ёзишича, инглиз клубида келишувга эришиш учун яхши имконият бор.
Олдинроқ ҳимоячининг ўзи "Ливерпуль"да ўйнаш истагини билдирганди. "Қизиллар" бош мураббийи Юрген Клопп раҳбариятдан ёзда трансферлар учун катта маблағ сарфлашни сўрамоқда. Хабар қилинишича, Гвардиол немис мутахассисининг асосий нишонларидан бири ҳисобланади.
Ҳимоячи хизматларига "Реал" ва "Манчестер Сити" клублари ҳам қизиқиш билдирмоқда.
21 ёшли хорватиялик футболчи жорий мавсумда “Лейпциг” сафида 32 та ўйинда майдонга тушиб, 3 та гол урди. Transfermarkt порталига кўра футболчининг нархи 75 миллион еврога баҳоланмоқда.
