"Liverpul" "Leypsig" himoyachisi Yoshko Gvardiolni sotib olish imkoniyatini ko‘rib chiqmoqda, deya xabar beradi Football Insider.
Nashrning yozishicha, ingliz klubida kelishuvga erishish uchun yaxshi imkoniyat bor.
Oldinroq himoyachining o‘zi "Liverpul"da o‘ynash istagini bildirgandi. "Qizillar" bosh murabbiyi Yurgen Klopp rahbariyatdan yozda transferlar uchun katta mablag‘ sarflashni so‘ramoqda. Xabar qilinishicha, Gvardiol nemis mutaxassisining asosiy nishonlaridan biri hisoblanadi.
Himoyachi xizmatlariga "Real" va "Manchester Siti" klublari ham qiziqish bildirmoqda.
21 yoshli xorvatiyalik futbolchi joriy mavsumda “Leypsig” safida 32 ta o‘yinda maydonga tushib, 3 ta gol urdi. Transfermarkt portaliga ko‘ra futbolchining narxi 75 million yevroga baholanmoqda.