«Ювентус» клуби ва Франция терма жамоаси ярим ҳимоячиси Адриен Рабьо фаолияти ҳақидаги фикрлари билан ўртоқлашди.
27 ёшли ярим ҳимоячи кеча Ирландия Республикасига қарши баҳсда 81 дақиқани майдонда ўтказиб, французларнинг ўз рақибини мағлуб этишига (1:0) ёрдам берди.
«Ҳайриятки, бизда Майк Меньян бор. Муайян шароитларда ғалабани қўлдан бой беришимиз мумкин эди.
Мен футболчи сифатида ривожланишда давом этаман, етук футболчига айланяпман. Италиядаги тажрибам менга кўп ёрдам берди, бироқ ўзимни бошқа одамга айлантирдим деб ўйламайман», — деди футболчи.
