Ҳужумкор ярим ҳимоячи Серж Гнабри ёзда "Бавария"ни тарк этиши мумкин. 27 ёшли футболчи фаолиятини Туриннинг "Ювентус" клубида давом эттириши мумкин. Бу ҳақда Todofichajes нашри хабар бермоқда.
Аввалроқ ОАВда немис гранди ёзги трансфер ойнасида футболчи билан хайрлашишни режалаштираётгани ҳақида хабарлар тарқалганди. Гнабри 2017 йилнинг июлидан бери "Бавария"да ўйнаб келмоқда.
Германия чемпионатининг жорий мавсумида Серж 25 та жанг ўтказиб, 9 та гол (биттаси пенальтидан) ва 4 та голли узатмани амалга оширди. Футболчининг мюнхенликлар билан шартномаси 2026 йилнинг ёзига қадар мўлжалланган. Унинг трансфер нархи 65 миллион евро.
