Хвича Кварацхелия "Наполи" билан янги шартнома шартларини келишиб олди. Неаполликлар вингери янги келишувга кўра йилига 4 миллион евро олади. Эслатиб ўтамиз, амалдаги келишувга кўра, грузин кўрсатилган муддат давомида атиги бир ярим миллион ишлаб топган.
"Наполи" билан янги шартнома имзолайдиган Хвича клуб маоши бўйича олтинчи ўринга кўтарилиши керак. Ундан фақат Ирвинг Лозано, Виктор Осимхен, Пиотр Зиелиньски, Жакомо Распадори ва сардор Жованни ди Лоренцо кўпроқ маош олади.
Эслатиб ўтамиз, Хвича жорий мавсумда барча мусобақаларда 14 та гол ва 14 та голли узатмани амалга оширган. Шу билан бирга, грузиялик Италияда ўзининг дебют мавсумини ўтказмоқда.
