Дарвозабон Давид де Хеа 2022/2023 йилги мавсум якунида «Манчестер Юнайтед»ни тарк этишга қарор қилди. TodoFichajes ўз саҳифаларида бу ҳақда гапирди.
Манбага кўра, «қизил иблислар»нинг янги шартнома бўйича таклифи Де Хеага тўғри келмади. У Англияда ё янги жамоа топади ёки Испанияга қайтади. Ҳозирданоқ 32 ёшли футболчининг хизматларига қизиқиш билдираётган жамоалар бор.
Қайд этилишича, ҳар қандай ҳолатда ҳам Де Хеа маошини камайтиришга мажбур бўлади.
Давид де Хеа 2011 йилнинг ёзидан бери «Манчестер Юнайтед»да ўйнаб келмоқда. Ўшандан бери испаниялик барча мусобақаларда 529 та ўйин ўтказиб, 575 та гол ўтказиб юборган.