«ПСЖ» билан амалдаги шартномаси мавсум охирида якунига етадиган Лионель Мессининг келажаги нима бўлишини айтиш қийин.
TodoFichajes маълумотларига кўра, форвард боши берк кўчага кирган.
«Айни дамда Месси «ПСЖ» билан шартномасини янгилашдан ҳар қачонгидан ҳам узоқроқда. Сўнгги кунларда клубдаги вазият ёмонлашди ва Парижда пессимизм кундан-кунга кучайиб бормоқда», - дейилади эслатмада.
Қайд этилишича, Мессининг юқори маоши ҳам вазиятга таъсир қилади.
Хабарингиз бор, миш-мишлар Лионель Мессининг «Барселона»га қайтиши билан боғлиқ. Аргентиналик футболчи 2021 йилнинг ёзида клубни тарк этганди.