"Манчестер Юнайтед" дарвозабони Давид де Хеа жамоани тарк этиши мумкинлиги ҳақида гапирди.
32 ёшли футболчининг келажаги сўроқ остида қолмоқда, чунки шартнома 3 ойдан кейин тугайди. Миш-мишлар испанияликнинг кетиши билан боғлиқ, аммо унинг ўзи ҳам клубни ўзгартириш ниятида эмаслигини тан олди:
"Мен "Манчестер Юнайтед"ни яхши кўраман. Мен бу ерда кўп йилларни ўтказдим ва ҳар бир дақиқадан завқланаман. Менга бу клубдаги ҳамма нарса ёқади, ўйинимни шу ерда давом эттирмоқчиман”, деди дарвозабон Football Daily нашрига берган интервьюсида.
Давид де Хеа 2011 йилдан бери "Манчестер Юнайтед"да ўйнамоқда. Жорий мавсумда у 42 та ўйинда майдонга тушиб, 46 та гол ўтказиб юборди ва 18 марта ўз дарвозаси дахлсизлигини сақлаб қолди.
