"Бавария" бош мураббийи Томас Тухель Германия чемпионатида Дортмунднинг "Боруссия"сига қарши ўйин арафасида жамоасидаги кадрлар муаммоси ҳақида гапирди. Эслатиб ўтамиз, аввалроқ ярим ҳимоячи Жамол Мусиала ва ҳужумчи Эрик Чупо-Мотингнинг баҳсдаги иштироки сўроқ остида эди.
"Мануэль Нойер, Люка Эрнандес ва Матис Телдан ташқари ҳамма қайдномага киритилади. Жамол Мусиала биз билан тўлиқ машғулот ўтказди ва эртага эрталаб гуруҳ машғулотларида ҳам қатнашади”, деди Тухель матбуот анжуманида.
Ҳозирча “Бавария” Бундеслига турнир жадвалида “Боруссия Дортмунд”дан бир очко ортда қолмоқда.
