"Челси" бош мураббийи Грэм Поттер Ромелу Лукаку ҳақидаги саволга жавоб берди.
29 ёшли ҳужумчи ҳозирда Миланнинг "Интер" клубида ижара асосида ўйнамоқда. Футболчининг келажаги ноаниқлигича қолмоқда, чунки "нерадзуррилар" бельгияликни сотиб олиш имкониятига эга эмаслар.
"Ромелуга ҳамон "Челси" эгалик қилади ва албатта биз уни кузатиб борамиз. Лукаку - фантастик футболчи. Биз уни биламиз ва севамиз. Аммо, такрор айтаман, бу масалани ёзда кўтариш керак", - деди "Челси" устози.
Ромелу Лукаку жорий мавсум “Интер” сафида 19 та ўйинда майдонга тушиб, 5 та гол урди. Жароҳатлари туфайли ҳужумчи мавсумнинг биринчи ярмини ўтказиб юборди.
