Лондоннинг "Челси" клуби ёзги трансфер ойнасида сотилиши мумкин бўлган ярим ҳимоячи Мэйсон Маунтнинг нархини оширди, деб хабар беради Football Insider.

Манба берган хабарга кўра, клуб раҳбарияти ярим ҳимоячининг 2024 йилнинг ёзида тугайдиган шартномасини узайтирмаслиги бўйича келишиб олган. Шунинг учун "аристократлар" уни 70 миллион еврога сотишга тайёр. Лондонликлар бундай суммани олишга умид қилишмоқда, чунки футболчига бирданига бир нечта топ-клублар қизиқиш билдирмоқда. У "Бавария", "Манчестер Юнайтед", "Ливерпуль" ва "Ювентус" қизиқишлари доирасига киритилган.

24 ёшли Маунт жорий мавсумда “Челси” сафида барча турнирларда 32 та ўйинда майдонга тушиб, 3 та гол урди ва 6 та голли узатмани амалга оширди.