Охирги икки жаҳон чемпионатида кумуш ва бронза медаллари Хорватия терма жамоасининг халқаро майдондаги мавқеини сезиларли даражада оширди. 21-асрда мамлакатда кўплаб футбол юлдузлари етишиб чиқди, шунинг учун топ-клубларда хорватиялик футболчилар тобора кўпроқ кўринаётган бўлса ажаб эмас.
2013 йилдан буён ҳар йили камида битта хорватиялик футболчи Чемпионлар лигасида ғолиб чиқиб келмоқда. Ўн йил олдин занжирни Марио Манжукич "Бавария" билан биргаликда "Уэмбли"да Дортмундни (2:1) мағлубиятга учратиб бошлаб берган эди.
Шундан сўнг:
Лука Модрич (2014 - Реал)
Иван Ракитич (2015 - Барселона) Лука Модрич ва Матео Ковачич (2016 - Реал)
Лука Модрич ва Матео Ковачич (2017 - Реал)
Лука Модрич ва Матео Ковачич (2018 - Реал)
Деян Ловрен (2019 - Ливерпуль)
Иван Перишич (2020 - Бавария)
Матео Ковачич (2021 - Челси)
Лука Модрич (2022 - Реал) каби хорватиялик футболчилар "шалпангқулоқ кубок"ни қўлга киритишди.
Катта эҳтимол бу мавсумда ҳам бу анъана давом этади, чунки чорак финалга чиққан 8 жамоадан 6 тасининг қайдномасида хорватиялик бор.
• Реал Мадрид - Модрич
• Челси – Ковачич
• Интер - Брозович
• Бенфика - Муса
• Бавария – Станишич
• Милан – Ребич
Ё анъана давом этади ёки "Манчестер Сити" ёки "Наполи" турнирда ғалаба қозонади. Маълумот ўрнида, иккала жамоа ҳам тарихи давомида Чемпионлар Лигасида ғолиб чиқмаган.
