Унинг атрофидаги миш-мишлар шу қадар кўпки, унинг қайси клубга ўтишини таҳмин қилиб бўлмайди. Шу кунгача унинг трансфери ҳақида қандай гап-сўзлар бўлди? Келинг, кўриб чиқамиз.

•‎ Хвича билан янги шартнома бўйича музокаралар 2022 йил октабр ойи охирида - трансфердан атиги тўрт ой ўтиб бошланган. Calcio Napoli24'нинг Sport Mediaset'га таяниб хабар беришича, “Наполи” амалдаги шартномани 2027 йилнинг ёзига қадар узайтирмоқчи ва футболчининг маошини икки баравар оширмоқчи – 1 миллион евродан 2 миллион еврогача.

•‎ Ноябрь ойида инсайдер Иван Карпов вингер 2028 йилгача маоши икки баравар кўпайтириладиган янги шартнома имзолашини таъкидлади.

•‎ Декабр oyida La Gazzetta dello Sport нашрида худди шундай инсайдер хабар берилган эди. "Наполи" спорт директори Кристиану Жиунтоли ва футболчининг агенти Мамука Жугели январь ойида ёки бироз кейинроқ учрашишни режалаштиришганини ёзишган.

•‎ Февраль ойида La Gazzetta dello Sport декабрь ойидаги инсайдни такрорлади.

•‎ Март ойи охирида Foot Mercato янги хабарлар билан ўртоқлашди: янги шартнома имзолангандан сўнг футболчининг маоши йилига 1 миллион евродан 2,5 миллионгача ошади. Бонусларни ҳисобга олсак, грузиялик футболчининг йиллик даромади 4 миллион еврога етиши мумкин.

Бошқа клубларнинг қизиқиши ҳақида нима дейиш мумкин?

Ўтган йилнинг кузидан бери деярли барча Европа топлари Кварацхелияни кузатиб боришмоқда.

•‎ Октябрь ойида Calciomercato нашри “Ман Сити” ва “Ливерпуль” Хвичани яқиндан ўрганаётгани ҳақида хабар берди. Аммо неаполликлар спорт директори Криштиану Жиунтоли тезда ҳамма нарсани тўхтатди: “Бу миш-мишлар ортида мутлақо ҳеч нарса йўқ. Сизни ишонтириб айтаманки, Хвича 100% дахлсиз. Усотилмайди".

•‎ Жиунтолининг сўзлари янги инсайдларга таъсир қилмади. The Times декабрь ойида хабар беришича, "Ньюкасл" Жаҳон чемпионати олдидан 21 ёшли грузиялик футболчини мунтазам равишда кузатувга олган.

•‎ Январь ойида футболчининг агенти Жугели: “Менинг столимда “Ман Сити” қоғози йўқ. Ишонаманки, “Наполи” офисида ҳам”, деганди агент. Бироқ, феврал ойи бошида DailyMail нашри Гвардиола ёзда бошқа ҳужумкор ўйинчини хоҳлаётгани ҳақида ёзганди, у Хвича ва Рафаэл Леауга кўз тикаётганди.

• Февраль ойи ўрталарида "Реал Мадрид" фаоллашди. Cadena SER хабарига кўра, агар Дортмунднинг "Боруссия"сидан Жуд Беллингем каби йирик харид бўлмаса, Мадрид клуби ёзда Кварацхелия учун 100 миллион евро беришга тайёр.

•‎ "Наполи" президенти Аурелио Де Лаурентис бу ёзда Хвичанинг сотилишини рад этди, аммо кейин шундай деди: "Ҳеч қачон ҳеч қачон деманг, чунки баъзи таклифларни рад этиб бўлмайди. Шунинг учун ҳеч нарсани олдиндан айтиб бўлмайди".

•‎ Февраль ойи охирида CBS Sports журналисти Бен Жейкобс Хвичага даъвогарларни аниқлади – булар “Ман Сити”, “Реал Мадрид”, “ПСЖ” ва “Ньюкасл”.

“Наполи” Хвича билан хайрлашмоқчи эмас. Ва улар, албатта, Осимхен ва Кварацхелияни бир ёзда қўйиб юборишни хоҳламайдилар. Кварацхелия ҳозирча "Наполи"ни тарк этиш ҳақида ўйламаяпти”, деб ёзган Жейкобс.