Журналистлар "Ювентус" ярим ҳимоячиси Адриен Рабьодан "ПСЖ"га қайтиши мумкинлиги ҳақида сўрашди.
“Ростини айтсам, бу миш-мишлар ўзгача нарса эмас. Мен жуда кўп шовқинларни эшитаман... Биламан, кўпчилик бунга қизиқади, лекин яна бир бор айтаман: мен бор эътиборимни "Ювентус" билан мавсумни якунлашга қаратганман", - деди Рабьо Telefoot нашрига.
Эслатиб ўтамиз, Адриен Рабьонинг туринликлар билан амалдаги шартномаси шу мавсум охиригача мўлжалланган. Миш-мишлар 27 ёшли ярим ҳимоячини нафақат ПСЖ, балки "Манчестер Юнайтед" билан ҳам боғлайди.
2022/2023 йилги мавсумда Рабьо 33 та ўйинда майдонга тушиб, 9 та гол урди ва 4 та голга ассистентлик қилди.
