Юлиан Нагелсманн "Тоттенхэм"дан кўра "Челси"да бош мураббий бўлишни афзал кўрмоқда.
35 ёшли мураббий Антонио Конте кетганидан сўнг дарҳол "шпорлар" бош мураббийи лавозимига асосий номзодлардан бирига айланди. Якшанба куни "Челси" Грэм Поттерни истеъфога чиқарди ва аввалроқ хабар қилинганидек, айнан Нагельсманн англиялик мутахассиснинг ўрнига фаворит ҳисобланади. Журналист Кристиан Фалькнинг фикрича, "Бавария"нинг собиқ бош мураббийи "Челси" ва "Тоттенхэм" ўртасида ўз танловини амалга оширган - у биринчи вариантни афзал кўради.
Шунингдек, Нагельсманн жорий мавсум якунига қадар бош мураббийга айланса, "Челси" "Бавария"га товон пули тўлаши кераклиги ҳам эътиборга молик.
