Каталониянинг "Барселона" клуби ўтган мавсумдан бери "ПСЖ"да ўйнаётган ҳужумчи Лионель Мессини қайтариш устида ишламоқда.

Журналист Жерар Ромеронинг ёзишича, "кўк-анорранглилар" аргентиналик футболчининг "Камп Ноу"га ўтишини молиялаштириш учун баъзи ҳомийлар билан музокаралар олиб бормоқда.

Эслатиб ўтамиз, футболчининг "ПСЖ" билан шартномаси тугагач, "Барселона" ҳатто эркин агент сифатида ҳам Мессининг трансферини амалга ошира олмаслиги мумкин. Шу сабабли, жамоа раҳбарияти ҳомийлардан ёрдам кутмоқда.

Мессининг ўзи "Барселона"га қайтишга қарши эмас, аммо футболчи "ПСЖ" билан шартномасини узайтириши ҳам мумкин.