Суперлига 4-тури доирасидаги "Олимпик" – "Андижон" (0:1) учрашувидан кейин меҳмонлар бош мураббийи Александр Хомяков беллашув ҳақида ўз фикрларини билдириб ўтди.
"Ажойиб баҳс ўтказдик. Мухлисларни ғалаба билан табриклайман. Йигитларга алоҳида миннатдорчилик изҳор этаман. Улар ўз ишини муносиб бажаришди. Олға интилишда давом этамиз. Ҳаракатдан тўхтамаслигимиз лозим.
Биз таркибда кимлар ўйинга тайёр ёки йўқлигини синовдан ўтказиб, уларни бошланғич таркибга киритамиз. Кўриб турганингиздек, танланган тактика ва таркиб ишончни оқлай билди. Ҳар бир баҳс биз учун муҳим. Жадвалдаги тиғизликнинг ўзиёқ вазиятни изоҳлаб бера олади. Эътиборимизни олдинда кутиб турган ўйинга қаратамиз. Дербининг ҳаммаси катта аҳамиятга эга.
Бизда "Б" ва ҳатто "C" режа ҳам бор эди. "Бунёдкор"га қарши уйда кечган беллашувдан хулосалар чиқардик. Хатоларни таҳлил қилиб чиқдик ва бугун 3 очкони қўлга киритдик", дейди мураббий.
