Superliga 4-turi doirasidagi "Olimpik" – "Andijon" (0:1) uchrashuvidan keyin mehmonlar bosh murabbiyi Aleksandr Xomyakov bellashuv haqida o‘z fikrlarini bildirib o‘tdi.
"Ajoyib bahs o‘tkazdik. Muxlislarni g‘alaba bilan tabriklayman. Yigitlarga alohida minnatdorchilik izhor etaman. Ular o‘z ishini munosib bajarishdi. Olg‘a intilishda davom etamiz. Harakatdan to‘xtamasligimiz lozim.
Biz tarkibda kimlar o‘yinga tayyor yoki yo‘qligini sinovdan o‘tkazib, ularni boshlang‘ich tarkibga kiritamiz. Ko‘rib turganingizdek, tanlangan taktika va tarkib ishonchni oqlay bildi. Har bir bahs biz uchun muhim. Jadvaldagi tig‘izlikning o‘ziyoq vaziyatni izohlab bera oladi. E’tiborimizni oldinda kutib turgan o‘yinga qaratamiz. Derbining hammasi katta ahamiyatga ega.
Bizda "B" va hatto "C" reja ham bor edi. "Bunyodkor"ga qarshi uyda kechgan bellashuvdan xulosalar chiqardik. Xatolarni tahlil qilib chiqdik va bugun 3 ochkoni qo‘lga kiritdik", deydi murabbiy.
