"Индепендиенте"нинг истиқболли ярим ҳимоячиси Кендри Паес Англия Премьер-лигасига ўтиши мумкин. Sky Sports хабарига кўра, Лондоннинг "Челси" клуби 15 ёшли футболчининг хизматларига қизиқиш билдирмоқда.
“Аристократлар” аллақачон музокаралар олиб борган ва футболчининг трансфери борасида келишиб олган. Эквадорлик ярим ҳимоячи 2026 йилда, 18 ёшга тўлгач, инглиз клубига ўтади. Шартнома 20 миллион еврога баҳоланган.
"Индепендиенте" асосий жамоаси учун Кендри учта ўйин ўтказди ва битта гол урди.