Бразилиялик ҳимоячи Артур Леверкузеннинг "Байер" клубига ўтди
Леверкузеннинг "Байер" клуби Бразилиянинг "Америка" жамоаси ҳимоячиси Артур билан шартнома имзолаганини эълон қилди.
20 ёшли футболчи немис клуби билан 2028 йилгача мўлжалланган шартнома имзолади. Артур кейинги мавсумда жамоага қўшилади.
Маълумки, "Байер" трансфер учун олти миллион евро тўлайди, қўшимча равишда бир миллион евро бонус сифатида тақдим этилади.
Жорий мавсумда Артур "Америка" таркибида 6 та ўйин ўтказди ва битта голли узатмани амалга оширди.
Аввалроқ, футболчи Бразилия терма жамоаси сафида Марокашга (1:2) қарши ўртоқлик учрашувида дебют қилганди.
