Чоршанба оқшомида "Барселона" Испания кубоги 1/2 финалининг жавоб учрашувида "Реал"ни қабул қилади. Биринчи ўйинда каталонияликлар меҳмонда 1:0 ҳисобида ғалаба қозонишган. Хави бўлажак ўйиндан нима кутаётганини айтди.
"Мен тажовузкор "Реал Мадрид"ни кўришни кутмоқдаман. Улар босим ўтказадилар. Биз уларни тинчлантиришга ҳаракат қиламиз. Характер билан ўйнашимиз, тўпга эга бўлишимиз керак. Кўряпманки, жамоа тайёр.
Ўйлайманки, "Реал Мадрид" биздан ўч олмоқчи, чунки охирги уч ўйинда биздан мағлуб бўлган. Аммо олдинги натижалар ҳеч нарсани англатмайди. Мен жуда қийин ва жуда кескин ўйин кутаман", - деди Хави матбуот анжуманида.
