Chorshanba oqshomida "Barselona" Ispaniya kubogi 1/2 finalining javob uchrashuvida "Real"ni qabul qiladi. Birinchi o‘yinda kataloniyaliklar mehmonda 1:0 hisobida g‘alaba qozonishgan. Xavi bo‘lajak o‘yindan nima kutayotganini aytdi.
"Men tajovuzkor "Real Madrid"ni ko‘rishni kutmoqdaman. Ular bosim o‘tkazadilar. Biz ularni tinchlantirishga harakat qilamiz. Xarakter bilan o‘ynashimiz, to‘pga ega bo‘lishimiz kerak. Ko‘ryapmanki, jamoa tayyor.
O‘ylaymanki, "Real Madrid" bizdan o‘ch olmoqchi, chunki oxirgi uch o‘yinda bizdan mag‘lub bo‘lgan. Ammo oldingi natijalar hech narsani anglatmaydi. Men juda qiyin va juda keskin o‘yin kutaman", - dedi Xavi matbuot anjumanida.
