Грэм Поттер истеъфога чиқарилганидан сўнг, яқинда "Бавария"ни тарк этган Юлиан Нагельсманни "Челси" бош мураббийи лавозимига асосий фаворит деб аташмоқда. Нуфузли инсайдер Фабрицио Романо ҳозирги вазият ҳақида гапирди.
"Нагельсманн ва "Челси" ўртасидаги яқинлашув ва алоқалар икки кун олдин бошланган. Ҳозирда узоқ муддатли лойиҳа бўйича муҳокамалар давом этмоқда. "Челси" шошаётгани йўқ - Луис Энрике ва Рубен Аморим билан вариантлар ҳам баҳоланмоқда", - деб ёзди Романо ижтимоий тармоқда.
"Челси" ҳозирда АПЛ турнир жадвалида 11-ўринда бормоқда. Лондонликлар сешанба куни “Ливерпуль”ни қабул қилишади.
