Англия чемпионатининг 7-туридан ўрин олган қолдирилган ўйинда «Лестер» «Астон Вилла»га имкониятни бой бериб, навбатдаги мағлубиятни қабул қилди.
«Лестер»нинг вақтинчалик бош мураббийи Адам Садлер ўйин ҳақида фикр билдирди.
«Осон бўлмади, қийин вазиятга тушиб қолдик. Аммо йигитлар бу кеча характер кўрсатиб, вазифани охирига етказишга ҳаракат қилишди.
Биз ўйин режасини туздик ва унга амал қилдик. Бунинг учун йигитлардан миннатдорман. Энди биз навбатдаги ўйинга тайёргарлик кўрамиз», - деди Садлер.
Кейинги ўйинда эса «Лестер» ўз уйида - «Борнмут» билан ўйнаши керак.
