УЕФА Ижроия қўмитаси Беларус терма жамоасини 2024 йилги Европа чемпионати саралаш турниридан четлаштириш масаласини кўриб чиқишни кейинга қолдирди.
Бу ҳақда чоршанба куни Лиссабонда бўлиб ўтган ташкилотнинг 47-конгресси якунлари бўйича УЕФА президенти Александер Чеферин журналистларга маълум қилди.
«Қарорни фақат УЕФА Ижроия қўмитаси қабул қилиши мумкин, бошқа ҳеч ким», - деди Чеферин. - 19 ёшгача бўлган аёллар ўртасидаги мусобақа Беларусда ўтказилиши режалаштирилган эди, аммо бунинг иложи бўлмагани учун биз уни бекор қилдик.
Бизда ҳали бошқа вариант йўқ. Бошқа масалаларга келсак, биз вазиятни кузатишда давом этамиз ва Ижроия қўмитаси нима қила олишини кўрамиз», – деди Чеферин.
