"Астон Вилла", "Брайтон", "Брентфорд", "Кристал Пэлас" ва "Лестер" "Фейеноорд" ва Мексика терма жамоаси ҳужумчиси Сантьяго Хименесга қизиқиш билдирмоқда, дея хабар бермоқда 90min.
Манбага кўра, АПЛ клублари ёзги трансфер ойнасида футболчи сотиб олиш вариантини кўриб чиқмоқда. "Фейеноорд" футболчини ўзида сақлаб қолишни истайди, аммо яхши таклиф тушса, сотишга рози бўлиши мумкин.
21 ёшли Хименес жорий мавсумда “Фейеноорд” сафида барча турнирларда 35 та ўйинда майдонга тушиб, 14 та гол урди ва 1 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
