Нидерландия Қироллик футбол ассоциацияси (KNVB) "Фейеноорд"га қарши мамлакат кубоги ярим финал учрашувида "Аякс" ярим ҳимоячиси Дейви Классенга "зажигалка" улоқтирилгани учун хавфсизлик чораларини кучайтирди. Воқеа натижасида футболчининг боши ёрилган.

Энди майдонга бирор нарса улоқтирилса, ҳакам ўйинни тўхтатади, жамоалар ва ҳакамлар кийим алмаштириш хоналарига йўл олишади. Агар ўйин давом этгандан сўнг, майдонга яна буюмлар улоқтирилса, ўйинни бутунлай тўхтатиш тўғрисида қарор қабул қилинади. Трибунадан ўйинчи ёки ҳакамга бирор нарса тегса, ҳакам дарҳол ўйинни бутунлай тўхтатади. Буларнинг барчаси майдонда мухлис пайдо бўлса ҳам амал қилади.