"Челси" ҳужумчиси Кай Хаверц Грэм Поттернинг "аристократлар" бош мураббийлигидан четлатилишига изоҳ бериб, баъзи футболчилар мутахассиснинг истеъфоси ҳақида хабар топганидан хурсанд бўлганини айтди.
"Албатта, бизда ҳиссиётлар аралаш эди. Жамоадаги барча ўйинчилар ё хафа ёки хурсанд бўлишди. Мен учун бу, албатта, қайғули хабар бўлди. Мен буни оммавий ахборот воситаларида кўрдим. Ҳамма маълумотларни ОАВ орқали олдим. Менга Грэм ва унинг қилган ишлари ёқди, ҳаммаси шу", - деди Хаверц Evening Standard билан суҳбатда.
Поттер бу мавсумда "Челси"дан истеъфога чиқарилган иккинчи мураббий бўлди. Аввалроқ, "кўклар" раҳбарияти ҳозирда Мюнхеннинг "Бавария" жамоасида ишлаётган Томас Тухелни истеъфога чиқаришга қарор қилганди.
