Бугун Ўзбекистон Республикаси Президенти Шавкат Мирзиёевнинг "Оммавий ва профессионал футболни ҳар томонлама ривожлантиришнинг қўшимча чора-тадбирлари тўғрисида"ги қарори эълон қилинди.

Қарорнинг 26-бандида қайд этилишича, Тошкент вилояти, Юқори Чирчиқ туманида жойлашган “Дўстлик” стадионида Халқаро футбол ассоциациялари федерацияси (FIFA) томонидан 2022–2023 йилларда 4 та замонавий футбол майдони қуриш учун 4,2 миллион АҚШ доллари миқдоридаги маблағ ажратилган.

Шунингдек, ушбу ҳудудда Ўзбекистоннинг барча ёш тоифасидаги терма жамоалар шуғулланиши учун "Терма жамоалар маркази" қурилади. Мазкур марказ бюджет маблағлари ҳисобидан молиялаштирилади.

Терма жамоалар марказида 280 ўринли замонавий меҳмонхона, мини-футбол учун ёпиқ спорт манежи, илмий-тадқиқот, тиббиёт ва реабилитация маркази, сузиш ҳавзаси, ошхона бинолари қурилиши, шунингдек, ушбу биноларда Республика болалар-ўсмирлар футбол академияси жойлаштирилади.