"Саутгемптон" ярим ҳимоячиси Ромео Лавиа ўзининг ўйини билан Хосеп Гвардиолани ҳайратда қолдирди.
19 ёшли футболчи ўтган йилнинг июл ойида 12,3 миллион евро эвазига "Манчестер Сити"дан "Саутгемптон"га ўтган эди. Премьер-лиганинг "авлиёлар"га қарши ўйини арафасида "Манчестер Сити" бошқарувчиси белгиялик футболчи ҳақида шундай деди: "Мен унинг "Саутгемптон"даги ўйинидан жуда қойил қолдим. Биз унинг иқтидорини юқори баҳолаймиз ва клубимиз уни сақлаб қолмоқчи эди, аммо биз унга керакли ўйин амалиётини кафолатлай олмадик", - дея испаниялик мутахассиснинг сўзларини келтиради Гоал.
Ромео Лавиа “Саутгемптон” сафида Премер-лигада 20 та ўйин ўтказиб, 1 та гол урган. "Манчестер Сити" ярим ҳимоячини 45 миллион еврога қайтариб сотиб олиш имкониятига эга.
